ಇಷ್ಟ ಕಷ್ಟಗಳ ನಡುವೆ

ಕಷ್ಟ ಪಡುವುದಾದರೆ ಇಷ್ಟಪಡಬೇಕು
ಇಷ್ಟಪಟ್ಟಮೇಲೆ ಕಷ್ಟ ಮರೀಬೇಕು
ಇಷ್ಟ-ಕಷ್ಟಗಳ ನಡುವೆ ಸ್ಪಷ್ಟ ಧ್ಯೇಯವಿರಲು
ಕ್ಲಿಷ್ಟವಾದರೂ ಸರಿಯೆ ಗುರಿ ದಕ್ಕಬೇಕು . . . !!!

ಕಲ್ಪನೆಯ ಹುಡುಗಿ

ಅವಳ ಬಗ್ಗೆ ಯೋಚಿಸಲು ಭಾವನೆಗಳು ಮುಟ್ಟುವವು ಅತಿರೇಖ,
ನೆನಪು ಕೊಡುವುದು ಸಹಿಸಲಾರದ ಶಾಖ,
ಮಳ್ಳಿಯ ಚಿಂತನೆಯೇ ಆಗಿದೆ ನನಗೆ ಶೋಕಿ,
ಓಡಿ ಬರುವಳು ಕಲ್ಪನೆಯ ಕದವನು ಜೋರಾಗಿ ನೂಕಿ.

ವಿಸ್ಮಯಕಾರಿ ಒಲವು

ನೋಡುತಲೇ ನೋಡುತಲೇ ಇರಬೇಕಾದ ಚೆಲುವು

ಅರಳುತಿದೆ ಅರಳುತಿದೆ ವಿಸ್ಮಯಕಾರಿ ಒಲವು

ಕಣ್ಣುಗಳು ಕಮಲಗಳು, ನೆರಳಿಗೆ ಕಾಮನ ಬಿಲ್ಲು

ಕುಣಿಯುತಿದೆ ಮುಂಗುರುಳು, ಆಗಿ ನಾಟ್ಯದ ನವಿಲು. . .

ನಿಮ್ಮ ನಗು

ಅರಿಯೆನು ನಾನು ಏನಿದೆ ನಿಮ್ಮ ನಗುವಲಿ,
ನೋಡಿದರೆ ಆಗುವ ಸಂತೋಷವನು ಹೇಗೆ ತಾನೇ ಹೇಳಲಿ?
ಇರುಳಿನ ಸೌಂದರ್ಯಕೆ ಚಂದಿರನೇ ಕಾರಣ,
ನಿಮ್ಮ ಪ್ರೀತಿ ತುಂಬಿದ ಮೊಗಕೆ ನಗುವೇ ಭೂಷಣ.